نون

قالوا لى من ستنتخب فى نقابة المحامين لمقعد النقيب
قلت لهم سأدفع الغرامه المقرره بسبب عدم الادلاء بصوتى ولن انتخب احدا منهم طالما بقيت الرموز منحصره بين ثلاثه
مدمن البسبوسه
خدام الكنيسه
بطل موقعة الجمل والمحرك الاساسى لها
ولكل واحد حكايه
والحكايه من البدايه
ولايحلى الكلام الا بذكر النبى عليه الصلاه والسلام
كان فيه زمان ومش من زمان قوى
كان فيه لوا شرطه طلع فى برنامج فى فضائيه من فضائيات الماسون
وقال مرة جبت الاستاذ ........... وبعت اشتريت له صنية بسبوسه وهوا شغال لغ فيها قوم ايه
حب يرد الجميل .. اصله بعد اكل البسبوسه دماغه بتميل
راح قال لى على خطة هروب عبود من السجن
قوم ايه فورا اتخذت الاجراءات وباظت الخطه
قوم ايه الافندى اللى هوا انا
كان ساعتها بيحب الاكيل اللى بيلغ صنيه بسبوسه بحالها
اتصلت بالاستاذ
ودار الحوار
وقال الكلام دا كله كذب
انا اتعذبت واتبهدلت من اللوا دا واوعدك
اوعدك انى ارد قريب قوى
وتوته توته خلصت الحدوته
كتبت الكلام دا كله بعدين ورد وكان زعلان وكتب يقول يلا ياض صداقتى بيك انتهت ولاعدتش تتصل بى ولاتكلمنى

قوم ايه

سيبك من ديديه وخلينا فى خدام الكنيسه

خدام الكنيسه كان بيتباهى ادام انصار المشرح الاخر زمان اللى هوا حمدى خليفه الغلبان صبى عمر هريدى واحمد عز كمان
كان بيتباهى بأيه؟؟؟؟؟؟؟؟؟؟؟؟؟؟؟؟؟؟؟؟؟؟
اوعى تقولى مشروعات كده حلوة ومظقططه وفلوس وذهب وياقوت ومرجان وعلى بابا رمز المحامين الغلبان بعد الضنا جابه له النقيب ذهب وياقوت ومرجان ومراته مرجانه العيانه لبست حرير فى حرير
لالالالالالالالالالالالالالالالالالالالا
كان بيتباهى انه لما راح وقابل البابا البابا قابله وقعد معاه ييجى نص ساعه واداله بوسه
ايوه وايمانات المسلمين كان فرحان انه باسه
قلت يمكن ياض ياايمن يكون باسه فى خدوده وصاحبنا خد البركه
طلع الكلام من اللئام انه باسه فى شفايفه ايوه وايمانات المسلمين باسه فى شفايفه
المهم بلاش احقاد طبقيه على الناجحين النابهين
صاحبنا يوم وقف فى صورة فى الكنيسه والصليب فوقيه تما حاجه كده قيمه ومهابه

وقال ايه؟؟

انا بحب الوحده الوطنيه... ابدا

طب عاش الهلال مع الصليب... ولانطقها

طب مصر هى امى ولامرات ابويا .......... ابدا

وقف البطل الهمام رب الصون والعفاف اللى تاريخه شفاف وعياله كمان تاريخهم ناصع البياض بسبب استعمال مسحوق سرى بيطلع البقع على طول
قوم ايه
قال ايه البيه

قال
الارهاب بيطلع من الجوامع ياخلق هوه الحقوا بقى انا كشفت السر الخطير اللى كان مستخبى فى بير

اما التالت فى كلمتين وبس

هوا صبى فتحى شرور
اخد منه التعليمات
وسرح بالجمال على التحرير يقتل فى الثوار ويومها ايشى كام واحد انصاب وكام واحد بقولوا مات وفشلت الخطه وبعد كدهن دخل السجن

ووقف فى القفص يترافع ادام المقدس الشامخ

وقاله البيه ابو وشاح

هع

عودوا الى مقاعدكم

ايه يعنى كام كلب من الثوار راح فى داهيه ولاعقله طار

ورجع البيه يترشح من جديد

وكل يوم القاه قاعد وسط العبيد

يجيب شاى وقهوه وينادى

انتا ياض يابتاع البوفيه
نزل سندوتشات وشاى وكافيه لكل بيه
والبيه قاعد يبلع فى شاى وسجاير وسيجاره وراها سيجارة وواحده على ودانه وكلام كبيير ومعسل
وكل واحد ياخد نفسه ويقول
المهم وايمانات المسلمين
المهم
ان احنا قضينا على الاخوان وان ... وان...
خلصت الحدوته

بذمتكم يابهوات

لو انتو مكانى تعملوها تانى وتروحوا لابو صوانى ولااللى تحت الصليب هان ايمانى ولا بتاع الجمال والملاوانى ابو سيجارة امريكانى؟؟؟؟؟؟؟؟؟؟؟؟؟؟؟؟؟؟
خلصت الحدوته
حلوة ولا ملتوته؟؟؟؟؟؟؟؟؟؟؟؟؟؟؟