نون

رسالة الدوله الى المواطن
اسمع يامواطن
قرفتنا وزهقتنا
عيش وبندعمه عشان تطفح انتا وعيالك
كهربا بندعمها عشان تنور بيتك
غاز وبندعمه
ميه وبندعمها
مواصلات وبندعمها
تعليم وبندعمه
علاج وبندعمه
تقوم بعد كل دا تفتح بقك وتعترض علينا؟؟
مالكش عندنا غير الجزمه
الجيش جيشنا والشرطه شرطتنا والقضاء قضائنا والازهر ازهرنا والاعلام اعلامنا
تمشى جنب الحيطه ومااسمعش بقك
قرفتنا
عمالين ندلع فيك ومش عاجبك
احنا اسيادك واولادنا اولاد اسيادك

البلد بلدنا وامريكا وروسيا راضيه عنا
بالجزمه هاادى
هانعرف نحمى نفسنا منك ياشعب يازباله
هانسكن فى حتت لوحدنا ومش هانسمح للجرابيع امثالك يقربوا منا

اوعى تحلم انك تساوى راسك براس اسيادك

انتا عبد تاخد بالجزمه وهانجيب عبيد منكم يضربوكم بالجزمه ويعذبوكم ويسجنوكم وهانديهم ربع رغيف كفايه عليهم عشان العبد لما بيشبع بيتمرد على اسياده
فوق يابابا واعرف ان فيه اسياد وعبيد
اعرف ان الحاكم بيحكم بأمر الله وان الله هوا اللى اختارة - بتعترض على قضاء ربنا تبقى كافر
وخارج عن المله واديها فتوى مالك لو عندك مال ومراتك وعيالك سبايا وغنيمه لينا
مش عاجبك تبقى كفرت وارتديت عن الاسلام وبتجاهر كمان بالكفر
دا انتا بقى لازم تتعلق فى ميدان عام عشان تبقى عبرة لكل مرتد عاصى رافض قضاء ربنا