نون

 ممنوع الرفس

حتى الحمير فيها-------- باشا وبيه

حمار تربية ورعاية الخواجه طبعا وضعة مختلف ايشى حصانة وايشى فلوس وايشى فضائيات ولو حد لمسة -- على طول بان كى مون يعرب عن قلقة

حمار اليهود حمار مقدس

وفيه بقى يابيه حمار الحزب الديمقراطى الامريكى

وفيه حمار الحكيم

وفيه حمار حط راسه فى الشق

وفيه برضه حمار جحا وهو الاكثر شهرة

وفيه حمار شيك ومدلع نفسه وكل لبسه من كريستيان ديور

وفيه حمار برخصة وفيه حمار من غير رخصة

وفى بقى حمارة العمدة ومقامها من مقام العمدة والمقام غير المقام ومش اى مقام يبقى مقام

ولازم تبقى دكر -- دكر - مش نتاية -- ممنوع حمارة العمدة تبقى نتاية

حتى بتوع المغنى غنوا للحمار والادباتية وتوفيق الحكيم --بدعوا مع الحمار وجحا اشتهر بسبب حمارة ولا حمارة هو اللى اشتهر بسبب جحا

مش مهم مافيش فرق بين جحا وحمارة

طب المشكلة فين ؟؟؟؟

*******************************************

المشكلة فى فصيلة دم الحمار

ايون-- فصيلة دم الحمار - خد بالك الحمار المقصود هنا هو الحمار ابو اربع رجول مش الحمار اللى بيسوق الحمار

خد بالك الله يرضى عليك لازم تفرق بين الحمار والحمار

دا حتى الحمار عاملينه مستشفى مفتخرة اسمها بروك وكاتبين عليها ممنوع دخول البنى ادمين ودلوقتى حاطين عليها حراسه - اصلهم خايفين من البنى ادمين يقتحموا المستشفى ويسرقوا الحمير الرضع

ولكن تبقى فصيلة دم الحمير كلها من فصيلة(o)

كل الحمير؟؟؟

نعم كل الحمير فصيلة دمها(o)

شوف ياسيدى

شوف ياسيدى

مافيش فرق بين دم الحمار ودم الحمار ومش ها اعتبرك حرف من حروف اللغة العربية واشكل عليك بفتحاية او ضماية واشداية وربنا يكفينا شر الكسراية ونون النسوة

وربنا يسترها علينا من فضيحة المنصوب والمضموم ولا الهمزة بنت الهمزة مرة على السطر ومرة على اخر حرف ومرة تحت اول حرف ومرة تبقى جعانة تقعد فى طبق

شوف ياسيدى مش هااقولك كل الكلام دا

انسا --- ماشى--- ماشى رايح فين ؟؟ الصفحة دى احسن من غيرها والصفحة اللى انتا مش صديق فيها اقلع هدومك وماتتكسفش

المهم

قلنا فى بداية كلامنا مافيش فرق بين الحمار والحمار

الحمار بأربع رجول والحمار برجلين اتنين بس

بيقولك ياسيدى

ان فصيلة دم الحمار مش الحمار

الحمار ابو اربع رجول فصيلة دمه o

تصدق -- مع انها احسن فصيلة -- كريمة جدا مابتبخلش على اى عابر سبيل -- على طول تساعدة

لكن لما تتزنق بتبقى زى اليتيم يوم موت ابوه وامه

مابتلاقيش ولا فصيلة بنت ستين فى سبعين تعبرها

مع ان حكاية فصيلة الدم دى معروفة من زمان

لكن اللى مش معروف ان فيه ناس بتحاول تلعب فى حكاية فصيلة الدم دى من زمان