نون

ومازال صديقى يعاتبنى
ومازال صديقى يعاتبنى على بوست بلح الشام
ومازال صديقى منجذبا الى كل من يداعب مشاعرنا ويعدنا بفتح القدس وعودة الاقصى
ومازال صديقى منجذبا الى كل من يحاول ان يقول لكم
انا-- انا -- قطب الزمان والمكان
انا -- انا
محرر الاوطان
انا من سيقيم الخلافة وانا من سيعيد العدل الى الارض
انا من يمهد الارض للمهدى المنتظر

مازال صديقى منبهرا بكل صاحب لحية وما -- لحية -- برهامى ببعيدة عنا
افيقوا يرحمكم الله
الى صديقى المنجذب اهدى له هذه السطور
هى مداعبة لاأكثر ولااقل
**************************************

اسمع ياصديقى
بما ان الخواجات كروديات احنا ذعنا فيديوهات تقطع علاقتنا بتنظيم القاعدة وادى قاعدة لما نشوف اخرتها
بما ان الخواجات كورديات كده احنا قرطسناهم وفهموا اللى احنا عاوزين نضحك عليهم بيه
احنا مالناش دعوة بالقاعدة
احنا ناس كيييييييييوت خالص
يعنى يادوب هانحارب بشار تحت راية اكبر فشار وهانطهر نفسنا من العار تمام زى هنادى فى فيلم دعاء الكروان
لما تيجى امنة تسأل امها عن اختها
فين هنادى ياااااماية
ترد عليها امها وتقولها
هنادى راحت فى الوبا
ولما الفشار يعمل زى امنة مع احمد مظهر لما يقولها
امنة- ترد عليه تقولة- سيدى استرنى ياسيدى
وبما ان الخواجات كورديات ليه مانعملش زى عماد حمدى فى فيلم ثرثرة فوق النيل لما احرج الجميع وقال
الخمرة حرام والحشيش حرام
ليه بيبيعوا الخمرة ويمنعوا الحشيش؟؟؟؟؟؟؟؟؟؟؟؟
ولااقولك ممكن الجولانى يعمل فريق كرة قدم هوا وباقى الفصايل
على يمينك فريق الجولانى وعلى شمالك فريق مكون من احرار الشام وجند الاسلام
على يمينك فريق مهجن ومشكل وتم اختيارة بعناية امريكية لولبية وهما لابسين فانلات عليها علم امريكا وانكل سام وشعارهم راس الاناكوندا السام
وعلى شمالك فريق بلح الشام وطعمة هايعجبك وكلة تمام
بلح الشام هايبدأ المبارة وبيشوط شوطة طويلة يصدها مدافع جند الاسلام وبما ان الكورة مصنوعة من جلد الخنزير فقد افتى مفتى بلح الشام بضرورة ارتداء جونتى
وبما ان الجونتى مصنع من جلد الحمار فقد افتى مفتى فريق بلح الشام بضرورة دهان الجونتى بمادة عازلة
فقد تفتقت عبقرية مفتى بلح الشام الى جواز الاستعانة ببامبرز الاطفال وربطة بأعلى الجوانتى برباط من الخيط العريض وبشرط ان تكون بداية الرابطه من اليمين الى الشمال